الرئيسية / موضوع / التعامل مع الزوجة العنيدة 11 نصيحة في كيفية مقابلة الزوجة العصبية

التعامل مع الزوجة العنيدة 11 نصيحة في كيفية مقابلة الزوجة العصبية

التعامل مع الزوجة العنيدة التي تعتبر هذه الصفة من المشاكل التي قد يجدها الزوج في علاقتة الزوجية مع زوجته لكن طريقة التعامل مع الزوجة العنيدة تحتاج إلي الحكمة وليس العصبية والغضب ولذلك قدمنا السؤال إلي مجموعة من المتزوجين ليعطونا نصائح مختلفة في حل مشكلة الزوجة العصبية والعنيدة من وجهة نظرهم وإليكم 11 نصيحة مختلفة من جانبهم قد يكونوا على صواب في طريقة التعامل مع الزوجة العنيدة وربما هناك أراء خطأ فعليك بعقلك وقلبك.

زوجتي بتعمل مشكله فكل صغيره وكبيره بمعنى اصح مفيش يوم والتانى تعمل مشكله وانا الحمدلله مرتاح ماديا ومش حرمها من اى حاجه وجايبله بدال الشقه تلاته وكل حاجه بتحلم بيها بجيبهالها الحمدلله وبصلى ومحترم ومش مقصر من ناحيه اى حاجه وبخرجها وبسفرها كتير كل ما تتخيله بعملو بس كل لحظه حلوه بتقلبها بمشكله وخناقه كبيره وفى الاخر برجع بصالحها انا لانى بحبها بجد حتى لو هيا اللى غلطانه فما هي طريقة التعامل مع الزوجة العنيدة أو في مثل هذا النوع.

مراتي لو مصلحتهاش هيا مش بتتنازل وتيجى تصالحنى حتى لو سبتها فتره بردو ولا تسأل عادى خالص بالنسبالها وعندها قدره فى كل مشاكلها انها تتطلع نفسها صح ومش غلطانه بس مش عارف ليه بتعمل معايا كدا بعد احيان بيجينى احساس انها بتكرهنى لولا ماهيا على طول بتعمل مشكله من لا شىء مش عارف اتصرف اذاى.

 كيف اتعامل مع زوجي

محدش يقول طلقها او اتجوز عليها لانى بحبها وكمان بينا طفل مش عايز يطلع على مشاكل ويبقى كل واحد فى ناحيه انا عايز اغيرها باى طريقه تانى …ملحوظه حتى النقاش معاها صعب لانى بتفتكروا خناق مش نقاش ياريت نصحيتكم بدون تجريح ومش كل واحد لا يعرف طريقة التعامل مع الزوجة العنيدة اللي عنده يبقى لازم يحصل مشاكل بينهم وإنفصال وإنما الحكمة والعقل والحب والمودة مطلوبين فقد يكون هو الزوج عنيد ولا يعرف وليست الزوجة فقط فهناك عدد من النساء تسأل أيضاُ كيف اتعامل مع زوجي العنيد فلابد تبسيط الحياة وعدم تعقيدها سواء الكلام موجهه للرجال أو النساء لان التعامل مع الزوجة العنيدة او الزوج العصبي يرجى عدم مقابلته بنفس العيب ولنا في رسول الله الأسوة الحسنة صلى الله عليه وسلم.

التعامل مع الزوجة العنيدة

  1. هاقولك رأي مش هيعجبك لكن ده بناءا على تجارب ناس كتير حواليا. الزوجة لما بتعمل كده غالبا مش بيكون من باب البطر على النعمة او التسلط او حب النكد. و لكن بيبقى في حاجه في جوزها مش مالية عنيها. او هو مش قادر يفهم اولوياتها. بمعنى ان الزوجة مش عايزة زوج بمواصفات الماء .. عديم اللون و الطعم و الرائحه. او مجرد بنك بيصرف عليها. او بينفذ طلباتها بدون ما يكون له وجهة نظر مقنعه في اي شئ. لأ بتكون محتاجه تفاعل. حياة. مشاركة. مناقشة. تخطيط لمستقبل الاولاد. قدرة على التواصل. محتاجه زوج ذكي يفهمها من غير ما تكون طول الوقت مضطره تشرح و تكرر و تفهم و كأنها بتتعامل مع طفل من اطفالها مش مع جوزها. لأن ده بيكون عبئ كبير جدا على اعصابها و بيحطها تحت ضغط طول الوقت و بيخليها عصبية. و خصوصا لما بتكون فقدت الامل تماما انه ممكن يغير من نفسه او يدرك عيوبه اللي هو غالبا بيكون طول الوقت في حالة انكار تام لها. و دايما بيكون مستمتع بدور الضحية و احيانا بيجود فيه كمان. حاول تقعد معاها قعدة مصارحة و افهم منها و ابتعد عن الجدل و الانكار لعيوبك. و لو فهمت ايه سبب عصبيتها و قدرت تصلحه في نفسك تبقى المشكله خلصت وإقرأ أيضاً قصص حقيقية عن الخيانة الزوجية.
  2. راجع نفسك انت العملت كده لازم تغير نفسك علشان هي تتغيرةحب نفسك وخليها عزيزه عليك علشان هي تحبك لان كلمه حاضر في كل حاجه بتزهق الست بتحب الراجل المره يقول اه و١٠ يقول لا لازم تحس بيك وتعملك الف حساب وزي ما بيقول الصعايده همله.
  3. بص حضرتك الست ديه حتيجي بالعكس ازاي يعني لما تتخانقوا متصالحهاش حتي لو الفتره طالت وكمان مش لازم لما هي تكون غلطانه حضرتك الي تصالحها لا لازم يكون في احترام الي يغلط هو الي يعتذر بس بحب ومودة ورحمة مش بعصبية منك يا زوج.
  4. روح لدكتور نفسي او ستشاري علاقات زوجيه وهو يدلك تتعامل معاها ازاي ارا مافيش حاجه جابت نتيجه غير معملتك معاها ماتصالحهاش لو كانت غلطانه لما تتعصب سيلها وامشي من ادمها وياريت لو ينفع وهيه متعصبه تسيبلها البيت وتقفل التليفون ماتردش عليها و تبات بره البيت اليوم ده ولما ترجع ماتكلمهاش ولما ترد رد ما قل ودل وخليك هادىء معاها كام يوم هيه لما تعمل كده حتقلق.
  5. اقعد أتكلم معاها براحه وشوف هيا عاوزه إيه لأن الفلوس مش كل حاجه يمكن انت مقصر في حاجه او لغه الحوار بينكو معدومه علشان كده مش فاهمين بعض وهيا دايما عصبيه وشوفها هيا عاوزه إيه حتي لو عاوزه تطلق طلقها لأنها هتفضل كده بل وهتبقي اسوء بس لو بتحبو بعض بجد هتعدي لو اتكلمت معاها وشوفتها هيا عاوزه إيهو إقرا أيضاً الزوج المسافر عن زوجته حقوق الزوجة على زوجها المسافر.
  6. لما تلاقيها متعصبة سبها تقول اللى هى تقوله ولما تهدى كدهرسالة انتى غلطتى فى كذا وكذا وكذا واكبر غلطة غلطيها لما اتعصبتى وعليتى صوتك كان ممكن تكلمى معايا فى الموضوع وكنا نلاقى حل وعلشان انا مش عايز ولادنا يتربو كده ولا يكبرو امهم بتزعق لابوهم والجيران عارفين اللى بيحصل فى البيت من صوتك الخروجة اللى كنا هنعملها يوم كذا ملغية مش عقاب علشان انتى مش صغيره تتعاقبى لا علشان بس الفت نظرك للى بتعمليه وفكرى فى كلامى ويا ريت ميتكررش.
  7. قولها العند وحش واحنا لازم بيتنا يبفى حب ولو زعلتلك قوليلي ساعتها علشان ولادنا يكبرو فى بيت محترم جواه ناس بتحترم بعضها و الناس برا بالتالى هتحترمهم انما الولاد يكبرو يلاقو امهم بالمنظر دا ميتفعش ولا فيه مصلحة لاى حد فينا.
  8. هى مش هتتغير طبعا من اول ولا تانى ولا عاشر انما هتهدى شويه وانت غلطت لما سبتها توصل للدرجة دى وحاول تشوف فعلا اللى بتتعصب منه خقيقى ولا هى بتكبر الموضوع، هناك مقالة قد تحبيها وهي كيف اتعامل مع زوجي المدمن الحشيش.
  9. ولزم تاخد بالك من نقطه خطيرة وهى الولد لازم قدامه كل واحد فيكم يحترم التانى لان لو محصلش كده هوهيتربى على كده على ان ماما كل حاجة وبابا ولا حاجة ومتقلش صغير ولما يكبر هيفهم لان الشخصيه بتاعته بتبنى من دلوقتى
  10. تقول احدى السيدات انا ام وجوزى كان واخد على ان الولد صغير وميفهمش حاجة و كتير كان بيعمل اللى مراتك بتعمله وصوت عالى والنتيجة الولد بقا يعلى صوته ويزعق هو كمان كانه ابوه مع ان عمره تلات سنين بس الحمد لله بدانا نحل المشكله.
  11. طبعا مفيش اى داعى الطلاق ولا اى حاجة بس فى نقطه انك تحب مراتك ومنزعلهاش شىء رائع بس المشكله ان دا لو زاد عن حده بيتحسب على انه ضعف والقوى بيقوى اكتر لحد مهو نفسه ميعرفش يرجع تانى و انت الراجل يعنى حزام البيت فى ايدك انت ودى القوامة اللى ربنا اتكلم عليها لا تسيبها على الاخر ولا تخنقها وربنا يصلح لكم الحال.
  12. فى نقطة كمان عذرا انى بتكلم فيها بس ممكن حضرتك متكنش واخد بالك منها زود معدل العلاقة الحميمية بنكم حتى او انت شايف انها كافيه زودها برده ولو بتستعملو العوازل كمانع حمل بلاش منه لان العصبيه اللى عمال على بطال دى مع الست المتجوزة اوقات كتير بتبقى بسبب نقص الهرمونات اللى الجسم بيفرزها فى الوقت دا وجرب كده فترة وشوف يمكن يكون دا السبب.

كيفية التعامل مع الزوجة العنيدة

في عموم الكلام احب ان اقدم اليك هذه النصيحه في كيفية التعامل مع الزوجة العنيدة يجب ان يحتويها الزوج في جميع الحالات وعدم تركها ابدا حتى لا تشعر بالضعف حيث وانه الزوجه العنيده قد تكون في صفاتها هذا العيد ولكن قد تحول الى هذه الحاله مع تغير موجود في صفات الرجل دون ان يشعر لذلك يجب على الزوج ان يقوم بمراجعه نفسه او لا حتى يقوم الحساب ما قد حدث في الفتره الاخيره او منذ بدايه التغيير الذي حدث في هذه الحاله العنيده حيث لا يوجد طريقه ثابته في الحاله اي زوجتي ولكن قد تكون هناك الزوجه تشعر بالغضب من امر ما يفعله زوجها ولذلك يجب التحدث معها في حاله سفر وعدم الاتجاه في الحديث اثناء الغضب او العند و اذا شعرت انها في حاله عصبيه يجب ان تتركها حتى تهدا في هذا الموضوع وقد يفيدك ادوات المطبخ للعروسة.

انصحكم بمتابعه بعض الموضوعات الهامه داخل الموقع من خلال البحث حيث وانه يوجد قصص عديده اللي مثل هذه الحالات من الزوجه العنيده كما قدمها الى يكون في حاله المشكله و الحلول التي تم تقديمها من جانب الزوار المختلفين ولكن قد يكون هناك بعض اراء الزوار بها جزء من العصبيه لا يجب ان ناخذ بها من اخذ القراءه السليمه كمان راجع ما امر الله به في القران الكريم وسنه سيدنا محمد صلى الله عليه وسلم حتى نجد العلاج السليم بهدوء وبدون عصبيه و نتمنى لجميع ازواج المسلمين الموده والرحمه والسكينه داخل بيوتهم.

اترك تعليقاً

لن يتم نشر عنوان بريدك الإلكتروني.