الرئيسية / موضوع / جهاز العروسة يكلف كام اسعار جهاز العروسه 2018

جهاز العروسة يكلف كام اسعار جهاز العروسه 2018

جهاز العروسة يكلف في حدود كام يا جماعة  ليه انا كل محافظة فيها جهاز العروسه مختلفه عن الاخرى عايزة اعرف جهاز العروسة يكلف كام من اسعار جهاز العروسه 2018  المختلفة في قائمة جهاز العروسة بالاسعار إن أمكن للأجابة على سؤال ما هي تكلفه جهاز العروسه في المتوسط بمعيار حول هذا الموضوع ايه اللي على العريس والعروسه في جهاز البيت قبل الجواز.

تكلفة جهاز العروسة كام 2018

كل واحد على حسب ظروفه وعلى حسب احتياجات البنت بردو ، فيه بنت بتحب تجيب كل حاجه ولازم الشقه تبقي مليانه ع الآخر وفيه بنت بتجيب احتياجاتها بس مش اكتر ، ف ديه بتفرق جدااا ف الاسعار ، ربنا يسهلها ع الناس كلها وحاولو تلمو الدنيا علشان بتفتح ف الآخر والله ، وحاولو تجيبو الاساسيات الاول لأن مش بيفضل ليها فلوس للآخر ونصيحه ابداو ب الستاير والسجاد والمفروشان وحاجات المطبخ بعدهم.

ربنا معاكو ومن موقعي ده بقول نصيحه لمو الدنيااا ع قد ماتقدرو والله ، وب النسبه للأسعار ف فيه بنت بتشتري ب ٣٠٠ الف وبتقول لسه ناقصها حاجات وفيه بنت بتجيب ب ٥٠ الف كل حاجتها ف المتوسط كويس ف كل حاجه مش شرط حاجه واو ومش شرط نضيق ع نفسنا.

جهاز العروسة تكلفته مختلفة

هو مفيش مايمنع ان واحدة جهازها يوصل حتى مليون طالما الحال ميسر لكن اللي بتحمل اهلها فوق طاقتهم علشان تتمنظر هي كمان جوزها هيطلع عينها علشان مزاجه ولو ماتوفقوش مع بعض مش هيرضيها فالوسطية حلوة.

للاسف اكتر ناس بتبالغ اللى على قد حالهم والناس بتساعدهم تلاقى العروسة جايبة 60عباية 50طقم سرير غساله اتوماتيك وهاف وتلاجة اقل حاجه 14قدم نوفروست وغيره وغيره ويمضوا على ايصالات ويتحكم عليهم بالسجن.

اسعار جهاز العروسة 2018

انا من رأى الاعتدال وبلاش نبص فلانة جابت ايه وقد ايه خير الامور الوسط وياريت فعلا هو ميجبش النيش بكدا هيوفر عليكم كتير بلاش النيش بلاش والله ولا ليه اى لزمة.

والله الناس بقت اوفر فالجهاز حرام والله ياريت الكل يكلف علي اده سوا عريس ولا عروسة ليه بقينا كده ونكلف الاهل ما لا يطيقوا وديون وقرف ليه بس يعني لازم الاوفره خدوا اليكفي لاكل وشرب ومعيشة فرضا ربنا والله وربنا بيبارك.

جهاز العروسه يتكلف كام

كل واحد وواحدة هيقولك رقم ومبلغ على حسب ظروفه وامكانياته وعاداته وتقاليده في الجهاز هتلاقي واحدة اتجهزت ب 300 الف وهتلاقي واحدة اتجهزت ب 100 الف بس كل واحد وظروفه واتفاقه مع أهل العريس
يعنى مثلا في ناس بتجيب حاجات تافهه وفاضية ووأولها النيش وفى ناس لغت النيش زى انا كده مثلا وفى ناس بتجيب 100 عباية بيتى و40 عباية خروج و 20 طقم خروج كمان غير العبايات و 30 فوطة وش و 40 فوطة أيد و 40 طقم داخلى نوم غير 50 طقم داخلى غيارات غير شوية لبس داخلى كمان كده فردانى و 150 طرحة خروج و100 طرحة بيتى غير طبعا الباندانات حوالى 65 و 10 شبشب حمام و 20 شبشب بيتى و 30 جزمة وكوتشى خروج وليلة كبيرة.

سعادتك وفى ناس بتجيب على قد ال هتستعملوا وبتجيب في المعقول مش بيفتروا فكل واحد حسب إمكانياته المادية واتفاقه مع العريس والله يكون في عون كل ام واب عندهم ابن أو بنت مش بيراعوا ظروفه والديهم وبيداينوهم بآلاف الجنيهات علشان تنجهز احسن من قريبتها ومن جارتها فى نسبة كده بيبقي معندهاش دم فعلا والله المستعان.

اترك تعليقاً

لن يتم نشر عنوان بريدك الإلكتروني.