الرئيسية / موضوع / غسالة الصحون بتجير الكاسات ومش بتغسل كويس

غسالة الصحون بتجير الكاسات ومش بتغسل كويس

عايزة حل لغسالة الصحون بتجير الكاسات بطريقة بشعة مع ان الزيت والملح تمام بستعمل مسحوق fnish غسالة الصحون بتجير الكاسات والكوبايات مش نظيفة ومش بتغسل كويس ما هو حل هذه المشكلة وعايزة طريقة تنظيف غسالة الصحون ال جي او اي نوع من غسالات الاطباق والصحون.

غسالة الصحون بتجير الكاسات ومش بتغسل كويس

كانت دى مشكلتى مع غسالتى القديمة وايت ويل وغيرتها لكن بردة فى بعض الكوبيات جيرت لكن اعتقد ان ده يرجع لنوع القزاز لان الصينى والاركوبال مش بيتأثروا.

استعملي اقراص فيري مش حتلاقي اي تجيير حتجبيها من كارفور قسم مساحيق غسالات الاطباق افضل كتيير من فينش.

اظبطي الزيت ع رقم 2وجربي كده لو لسه بتجير غيري لرقم تاني ونظفي الفلتر كويس كل شويه، بصي هتستخدمي أقراص finish وهتريحي دماغك من المسحوق والزيت والملح القرص كامل في كل حاجه لو بردك نفس العيب هتفكي الفرش وتنضفيها بدبوس تحت المياه.

طريقة تنظيف غسالة الصحون ال جي

غيري نوع المنظف وأعصري ليمون وملح ليمون وخل أن شاء الله الجير يختفي وكل قتره أعملي الخلطه دي ولغساله الملابس كيس ملح أكل وزجاجه خل كبيره ونعصر ليمون تشغليها البرنامج الطويل وحراره 60 بدون ملابس الموضوع تعمليه كل 3شهور وللبوتجاز

  • مياه سخنه
  • خل
  • ملح ليمون
  • ليمون
  • صابون سائل
  • بيكربونات الصوديوم

ده للسطح البوتجاز الأستانلس وتغسليه ب الليفه الأسفنج وبلاش سلك خشن لأن بيجرح الأستانلس وبعدين ينشفيه بقماشه قطن ولو عايزه تلمعي العيون النحاس أدعكيها باليمون والقشر وهي سخنه النحاس يلمع ولدهون الفرن

  1. هاتي باور
  2. ترشيه علي الصاج اللأسود
  3. تدعكي بالسلك الألمونيوم بدون ميه
  4. ترش وتدعكي وخليي وشك بعيد
  5. أفتحي شباك المطبخ للتهويه
  6. أبعدي الأطفال لأن الباور رائحته نفاذه هلاتقي الدهون بتنطف بدون مياه
  7. بعد كده أغسليه بنفس الخلطه بتاعت السطح ألأستانلس وأشطفيه ب المياه ونشفي كويس جدا الصاج علشان الصدأ مهم تنشيف المياه
  8. لو فيه دهون علي المفاتيح أفصلي الفيشه وهاتي أي كحول وقماشه ونطفي المفاتيح علي مهلك خالص.
  9. الكلام ده باليل بعد مانخلص شغل المطبخ علشان منشغلش البوتجاز لأن الكحول قابل للأشتعال ولو مش عايزه كحول ممكن بالباور او الخلطه باعت السطح.
  10. نشف كويس جدأ جدأ نسألكم الدعاء وربنا يجعله في ميزان الحسنات وده كلان نصيحة من مهندس صيانه غسالات الاطباق والصحون.

اترك تعليقاً

لن يتم نشر عنوان بريدك الإلكتروني.