الرئيسية / موضوع / هو الجواز حلو ولا وحش طبعاً حلو.. أراء الناس بالداخل

هو الجواز حلو ولا وحش طبعاً حلو.. أراء الناس بالداخل

هو الجواز حلو ولا وحش طبعا هو سؤال غريب لان الجواز حلو زي ما ربنا أحله والرسول من سنته العديد من الاحاديث عن الزواج، لكن لسه في ناس بتقول وحش وخلاص.

رد

هو الجواز حلو ولا وحش

والله مافيش حد بيقول الحقيقه والكل بيحكي بس عن السلبيات بص هقولك حاجه ربنا قال ان مع العسر يسر يعني قال معه مش بعده يعني الناس دي زي ما بتشوف الوحش برضو بتشوف الحلو بس بعيد عنك بطبيعتنا شعب مش بيفتكر الا سيئ بس ولعلمك لو فعلا حياتهم وحشه اوي كده مش هيكملوا صدقني بس اهم حااااجه الاختيار لان هتعيش عمر كامل مع الشخص ده والتفاهم والصدق والاحترام وهو لو حاجه وحشه اوي كده مكنش ربنا والرسول قالوا عليها ده والله كفايه نعمه الاطفال للطرفين دي لوحدها تهون تي حاجه.

عارف المشكله فين ان كل واحد يتوقع من الثاني أكثر من المتوقع ويعلي سقف التوقعات مع ان المفروض ما يبقاش ده المتوقع فهمت حاجه

الجواز بيبقي مشاكل في أول سنه بالظبط أول 6شهور وبعد 6شهور الابتفكر تطلق ويفكر يطلق بيبقو خايفين من كلمت طلاق أصلا وبيخافو يبعدو عن بعض الجواز سنة الحياه ممكن مترضاش بنصيبك في البدايه بس بعد 6شهور هتحب نصيبك أوووي

انا بقاااا مش هخليه يكتب قائمه ولا مؤخر ولا غيره ولا شبكه لو لقيته عنده اخلاق وهيساهدني علي طاعه ربنا طبعا القرار ده اهلي عارضوني فيه بس الحمد الله قدرت اقنعهم بكده وده قرار وعمري مهخلفه.

 

6 تعليقات

  1. الجواز حلو طبعاً بس نمشي صح

  2. الجواز مش وحش. الوحشين هما اللي عايزين الناس زيهم

  3. انا حقولك الكلمتين اللى من الاخر
    يوم ما حتظهر ف حياتك الانسانة اللى حتلاقى نفسك بتحبها و اتعلقت بيها و مش قادر تعيش من غيرها حتلاقى نفسك متجوز و قاعد جنب صحابك المتجوزين دول 😂😂
    بس خلاص

  4. الناس بتحكي الوحش بس مفيش حد بيحكي الحلو يعني صاحبك اللي بيقولك متتحوزش وارف ومسؤليه وبتاع ده واحد واثق انه لما هيروح بليل البيت هيلاقي مراته مستنياه تطمن عليه وضامن ان حاجته كلها هتبقي جاهزه وان في حد خيسمعه ويشاركه ف رايئه
    الجواز موده ورحمه الحواز حلو بس احنا اللي دايما بنبص للوحش او بنقول الوحش بس

  5. ده بسبب إنهم مش بيراعوا ربنا في حياتهم صح الدنيا بتبدا تلهييهم وتبعدهم عن ربنا مع الوقت وطبعاً ربنا بيقول “ومن اعرض عن ذكري فإن له معيشة ضنكة” وأحيانا بيبقى مشاكل ربنا بيحطها في طريقهم يختبر صبرهم بس مع عدم الصبر والشكوى كتير المشاكل بتزيد ومبيعرفوش يتفاهمو

  6. دول ناس بيستهبلوا عليك انانيين طماعيين عاوزين كل حاجه ومش عاوزين حد يبقي احسن منهم طب انتوا كنتوا هتموتوا وتتجوزوا اتجوزتوا وجربتوا الجواز ليه تعقدوا غيركم فيه ما تسيبوا كل واحد ونصيبه اي حد بيقعد يشتكي من الجواز ويقول ده احسن وده احسن مني مبحترموش ملكش دعوه بكلام حد وربنا يرزقك بالزوجه الصالحه

اترك تعليقاً

لن يتم نشر عنوان بريدك الإلكتروني.