اعراض نقص فيتامين د الحاد عند النساء والأطفال

اعراض نقص فيتامين د الحاد عند النساء ،عدد كبير حوالي 73% من البالغين نساء ورجال يشتكى من آلام وأوجاع مزمنة في العضلات والمفاصل، ووجع ونشر فى العظام وهذه من اعراض نقص فيتامين د عند النساء والأطفال وكتير من الوقت جسمهم مهدود ويصحوا من النوم جسمهم متكسر، وتروح لدكتور عظام وتشتكى من آلام مزمنة في الضهر والعمود الفقري، ووجع في عظام الحوض أو عندك خشونة وإحتكاك فى المفاصل، أو روماتويد، ووجع في عضلات الجسم، ويقولك دى هشاشة عظام، ومعرض لكسور العظام وخصوصا مفصل الورك، وده بسبب نقص الكالسيوم وتأخد علاج وتأكل أكلات غنية بالكالسيوم وبرضه مفيش فايده (كل ده بسبب نقص فيتامين د) والله اعلم وقد يكون هناك نقس في نسبة فيتامين دال الطبيعية في الأطفال.

طيب ليه لما بنأخد علاج كالسيوم أو أكلات غنية بالكالسيوم الجسم مش بيستفيد وبينزل في الاستول تانى ؟
لأن فيتامين د بيساعد الأمعاء في إمتصاص الكالسيوم من الأكل اللى بنأكله، ودى من أهم وظائفه في الجسم، ووعشان كده نقص فيتامين د في الجسم معناه قلة الكالسيوم.

اعراض نقص فيتامين د الحاد عند النساء الحوامل والرجال

الأبحاث أثبتت إن الستات هم الأكثر عرضه للأعراض دى وبتزيد اكتر أثناء الحمل وإن 84% من الحوامل كده،بالإضافة إلى لخبطة في الضغط وسكر الحمل، وفى أحيان كثيرة بيولدوا قيصرى ووزن الطفل بيكون قليل عن الوزن الطبيعى، وكذلك أثناء الرضاعة وبعد سن اليأس،
حتى الرجال 48% منهم عندهم نفس الأعراض …

نقص قيتامين دال  يؤدي إلي

الدراسات أثبتت إن نقص فيتامين د بيؤدى لأغلب الأمراض اللى بتصيب الجسم زى

• السرطان
• أمراض المناعه زى الإصابة بعدوى الجهاز التنفسي
• الأمراض المعديه
• أمراض القلب
• له علاقة بتساقط الشعر
• الشعور بالنعاس أثناء النهار
• النوم بشكل مفرط
• إرتفاع ضغط الدم
• الإفراط في إفراز الجسم للعرق
• الإنفعال الزائد والشعور بالكآبة
• اضطرابات الجهاز الهضمي خاصة القولون العصبي.

وعلشان كده أغلب أنسجة وخلايا الجسم موجود فيها مستقبلات فيتامين د وده لأنه أهم فيتامين حيوى للجسم وله دور كبيراً في كل حتة فى جسمنا وقد يفيدك موضوع بكم تحليل فيتامين د في مختبر البرج.

اعراض نقص فيتامين د عند الأطفال

هل نقص فيتامين د فيه خطورة على الأطفال ؟ نعم لذلك يحب معرفة الاعراض عند الاطفال في حالة نقص فيتامين د عند الأطفال – بيسبب تأخر في النمو، وبيعمل تقوس في الساقين، وبيسبب تأخر في الجلوس والمشي وظهور الأسنان، وكمان بيعمل لين في عظام الرأس وبروز مقدمة الجبهة، وبروز عظام الصدر من الجوانب، وزيادة عرض عظام الساعد، وتقوس العمود الفقري

المعدل الطبيعي لفيتامين (د) في الجسم:
20-50 نانوجرام /مل ولو النسبة قلت عن 20 تبدأ المشاكل

علاج نقص فيتامين د في الجسم :
* تناول الأطعمة الغنية بفيتامين د زى السمك واللبن والبيض
* التعرض لأشعة الشمس لمدة 10 دقائق يوميا،

اى حد فينا محتاج فيتامين د يوميا بأى طريقة والنسبة بتختلف حسب العمر، الرضيع في اول سنة بيحتاج 400 وحدة وبعد كده 600 وحدة لحد 70 سنة

طيب اللى عندهم نقص فيتامين د ولازم علاج نعمل إيه ؟
يأخد 2 قطارة فيدروب يوميا(لكل الأعمار فوق 3 سنوات) أو يأخد أقراص او كبسولات فيها 50 ألف وحدة دولية كل أسبوع لمدة 8 أسابيع، أو حقنة ديفارول كل 3 أسابيع ..
وبعدها أقراص 5 آلاف وحدة دولية يوم بعد يوم لمدة شهرين
وبعدها نعمل تحليل وإذا كان أقل من 30 نانوجرام تكرر الجرعه لمدة 8 أسابيع،

الجرعات الوقائية بتختلف حسب السن
الرضيع 4 نقط فيدروب قبل السنة، يعني 400 وحدة دولية
و 6 نقط فيدروب بعد السنة يعني 600 وحده دولية

والجرعة القصوي اللي الطفل ممكن ياخدها بدون مشاكل هي 1500 وحدة دولية فوق 6 شهور واللي بتوصل ل 2500 وحده دولية يعني قطارة للطفل فوق السنة ..وده مش كلامي والله دا كلام FNB البورد الامريكي، يعني سواء الجرعة دي او دي مفيش مشاكل ان شاء الله … كلامي هنا عن الطفل من اول 6 شهور، خلونا ماشين زي ما احنا، 4 نقط و 6 نقط
علشان بس لو حضرتك اديتي 7 نقط مثلا متخافيش وتقولي ان الدنيا اتهدت، احنا بعيد جدا جدا عن الجرعات اللي ممكن تسبب مشاكل بعد شهور …

طيب لو مفيش فيدروب إيه هى البدائل المتاحة :

* ديكال بي ١٢ (١٠٠٠ وحدة في ال ٥ مل ) يعنى ينفع يتاخد ٢-٥ مل كاملين يوميا من الولادة لغاية البلوغ

* بيديكال (٤٠٠ وحده في ال ٥ مل ) ينفع من الولادة ٥ مل وبعد السنة ٧،٥ مل

* بيبي ڤيت (٤٠٠ وحده في القطارة) قطارة كاملة يوميا لغاية سنة ،، قطارة ونص بعد السنة

* بولى ڤيتال (٣٠٠ وحده في القطارة) يعنى ينفع قطارة ونص يوميا لغاية سنة وقطارتين بعد السنة

* الفا كالسيدول – الفا كارينو – وان الفا ،، وده فيتامين د ميزته انه سريع ومش بيحتاج يحصله تنشيط في الكلى عشان كده بيستخدم في حالات الفشل الكلوى وحالات لين العظام المتقدمة، لو عاوزه تستخدميه لابنك براحتك الجرعه نقطه واحده لكل ٢ كيلو من وزن الطفل يعنى ابنك ١٠ كيلو = ٥ نقط وهكذا … (مشكلتهم إنهم غاليين وفى حالات العلاج مش الوقاية)

ممكن نأخد الجرعه الوقائيه
قطارة كل يومين، أو قرص 5 آلاف وحدة كل اسبوع، أو قرص 50 ألف وحدة شهرياً، أو حقنة ديفارول كل 3 شهور