الرئيسية / حل لغز / الصبر على فراق الام والاب بعد الموت

الصبر على فراق الام والاب بعد الموت

الصبر على فراق الام والاب بعد الموت قصة واحد النهاردة اتعرضت لموقف صعب اوى ربنا ما يكتب الاحساس دة على حد فى جنازة عمتى وصلنا المدافن والنعش فى عربية تكريم الانسان وشلنا الخشبة على اكتافنا ووصلنا على تربة العيلة اللى مدفون فيها والدى ووالدتى واللى حتدفن معاهم عمتى وحطينا الخشبة على الارض ونادى الراجل التربى على المحارم علشان ولادها ومحارمها يشيلوها من الخشبة بالكفن ويدخلوها بايديهم التربة علشان لا يجوز ان حد غريب يشيلها ويناولوها للتربى اللى بيكون جوة التربة وبيحطها ويهيل عليها التراب.

الصبر على فراق الام والاب بعد الموت

باب التربة لما اتفتح علشان يدخلوها قلبى وجعنى و اتحرك من مكانه شوقا لابويا وامى لاقيت نفسى بقعد ع الارض وبدخل راسى جوة التربة غصب عنى والله
كنت عاوز اشوف اى حاجة من ريحتهم او اطمن عليهم.

عاوز انادى عليهم واكلمهم وخايف من الخروج على اداب المكان و حرمة الاموات عارف يعنى ايه عضم ابوك وامك على بعد كام سنتى منك وانت مش قادر تلمسهم وتحضن ترابهم وتبوسو.

قلبى جوايا بيترجى التربى بصوت عالى وبيتوسل اليه يشوف احبابه ويتملى منهم بس اللسان عاجز ومش قادر يطلع الكلام.

الصبر على فراق الام

سُأل سيدنا على هل هناك اعظم من الموت ؟؟ قال نعم فراق الاحبة هما بيموتو وبيرتاحو من تعب الدنيا واحنا نظل نعانى وجع الفراق دي عشان قر أت عن موضوع الصبر على فراق الام والاب بعد الموت.

اللهم اجمع شملنا بأحبتنا تحت ظل عرشك فى مستقر رحمتك اللهم امين يارب العالمين

اترك تعليقاً

لن يتم نشر عنوان بريدك الإلكتروني.