الرئيسية / موضوع / كيف يعامل الرجل زوجته بعد فقط طفل معاملة صحيحة

كيف يعامل الرجل زوجته بعد فقط طفل معاملة صحيحة

كيف يعامل الرجل الزوج زوجته بعد فقد طفل اثناء الزواج المعامله الصحيحه بين الزوج وزوجته في المنزل و اثر التعاون من خلال قصه حقيقيه حدثت بين الرجل وزوجته بارك الله لهما وبارك عليهما وجمع بينهما في خير وعلى خير في حفظ الله و هذا البيت و بارك لهما في ابنائهم ان شاء الله.

قصه علاقه بين الزوج وزوجته في المنزل

عاوزه اوصل لزوجى رساله عن طريقك
انا زوجى انسان فوق الخيال اتجوزنا بعد قصه حب ٨ سنين وبقالنا ١١ سنه متجوزين قبل الجواز قصه حبنا كانت حكايه للعشاق مش بتحصل غير فى افلام السينما مش هقول زوجى هقول عشقى وعمرى كله اللى اتربيت على ايده زوجى اللى عرفت معاه معنى الدهر والسند زوجى اللى عوضنى عن عدم وجود اب وام فى حياتى
بعد الجواز ربنا رزقنى بولد وحصلى مشكله وعرفنا ان الحمل تانى هيكون صعب قالى انتى وابنى بالدنيا ولما ربنا اراد انه ياخد مننا الولد وهو عنده خمس سنين كان ليا الابن والزوج.

محاولة الخلفه بعد فقدان طفل وصعوبة الحمل

بعد محاولات وتجارب ربنا رزقنا وعوضنا با اجمل بنت فى الدنيا عمره ماحسسنى انى ناقصه اى حاجه عمره مابخل عليا فى اى حاجه عمره ما اتمرد على وضعى وقالى اتجوز مثلا مع انه مقتدر جدا وصرف عليا عشان يحصل حمل ثمن جوازه واكتر ولما قولتله نفسى اخاوى بنتى معترضش وحاولنا مره واتنين ومحصلش نصيب قالى انتى وبنتى عندى بالدنيا انتوا اغلى حاجه فى دنيتى ومش عاوز غيركم عمرى ماعرفت ازعل منه لما بتعب هو اللى بيخدمنى بنفسه ويقعد بيا عمره ما اتاخر علينا بطلب حتى لو فوق طاقته دايما بيعاكسنى حتى واحنا بره وخارجين شايفنى احلى حاجه فى الدنيا بيقولى انتى صاحبتى قبل ماتبقى مراتى مفيش بينا حدود او كرامه او كسوف حتى لو حد فينا غلط بيروح يقول للتانى من غير خوف لانه عودنى معنى الاحترام مش الخوف.

تجربة الزواج قصة حقيقة

عاوزه اقوله انى عرفت معاك معنى الحب والعشق وكل معانى الغرام كنت دايما ليا الاب والاخ والصاحب والزوج والعشيق والسند والابن ومهما حاولت اوصفك او احبك مفيش كلام هيعبر عنك
ربنا يخليك ليا ومايحرمنى منك ابدا
بحبك يا اغلى هديه ربنا عوضنى بيها عن اى حاجه حصلت فى دنيتي.. ربنا يبارك يارب لجميع المسلمين.