الرئيسية / مقالات وآراء / لو البنت بتنقل كلام خطيبها الي اهلها الراجل يعمل ايه

لو البنت بتنقل كلام خطيبها الي اهلها الراجل يعمل ايه

لو البنت بتنقل كلام خطيبها الي اهلها الراجل يعمل ايه حل مشكلة نقل الكلام عند البنت ده رأي فقط ممكن يكون صح وممكن يكون غلط.

رأي في حل مشكلة نقل الكلام عند البنات

انا دايما عندي وجهه نظر بصراحه وعن تجربه بجد وهيا ان الشخص قبل الجواز وهوه قاعد مع اهله لازم هيحكي ولان دول اهله يعني لحد دلوقتي هما اهم عندها منك واهلك اهم عندك منها فدا ميزعلش لان دا الطبيعي ان الواحد يستشير حد قريب منه فحاجه او يطمنه بحاجه وممكن هيا تكون من النوع اللي مبيقدرش يمسك نفسه فالكلام فبتقول علي طول ودا برضه هيقل بعد الجواز لان هتكونوا بيتكم وحياتكم والاحتكاك معاهم لازم هيقل شويه مش هقول تماما طبعا لان دول اهلها بس شويه عن الخطوبه.

إياك والعصبية في حياتك كلها

فكره العصبيه فدا ناتج عن الفجوه اللي بتوسع بينكم انت نفسك قلت مش جايلك نفس تشوفها والكلام قل وكده والاحاسيس دي اكيد وصلاها طبعا فمضايقها وبيخلي الواحد مستني اي كلمه عشان يفرغ شحنه الغضب والقلق دي فالنصف التاني، بلاش تتعصب خالص في حياتك كلها والرسول حذرنا من الغضب.

راي بصراحه انك تاخدها على مكان وتحكيلها كل اللي فقلبك دا او خدلها البوست ووريهولها بس لازم مقابله بلاش فالتلفون واتعود اما يبقي جواك حاجه مزعلاك تتكلم معاها هيا الاول ومره واتنين وتلاته امال انت راجل وقوام وعاقل ليه عشان ساعه الجد انت اللي تحتوي الموضوع
اوعي تسيب حبك وتكسر قلبك وقلبها.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *