مشكلة الشك بين الزوجين تؤدي إلي هدم العلاقة بينهما ويجب البحث عن علاج الشك والغيرة عند الزوجة الشك في الزوج طارق الحبيب في صورة فيديو يشرح فيه حل مشكلة الشك بين الزوجين من طريقة حل المشاكل الزوجية والعاطفية حيث هناك نصائح عديدة أنضحكم بقراءتها حول مشاكل زوجيه وطرق حلها وإليكم قصة واقعية حدثت بالفعل نقلتها لكم لتتعلموا منها.
مشكلة الشك في الزوج
انا متزوجة من حوالي 5 سنوات وعندي بنتين
زوجي راجل جان ووسيم حبتين وانا بغير عليه جداً
المهم مش دي المشكلة لكن المشكلة ان من حوالي سنتين كان هو في مرحلة بيكبر فيها الشركة بتاعته وبيعمل توسعات مهمه وفارقة في حياته العملية وكان مزنوق في فلوس فعرضت عليه فلوس وبعت كمان ذهب من عندي واديته مبلغ كبير فأول ما أخده فرح اوي ان مشكلته اتحلت وهيكمل توسعاته بحريه ووقتها دخل مكتبه وطلع عليا بإيصال امانه فيه المبلغ اللي اخده فقمت انا رفضته وهو اتبسط اكتر ووعدني انه هيردلي جدعنتي معاه اكتر مما أتوقع ..
مشكلة الشك بين الزوجين
بعدها حكيت لإخواتي وأصدقائي المقربين وكل الناس غلطوني اني مأمنتش نفسي منه بإيصال امانه او عقد شراكه وخاصة ان كل الناس عارفه اني بغير عليه لدرجة اني بشك في كل حاجه تخصه وحاسة انه في واحده هتخطفه مني ..
المهم اني بعدها حسيت اني غلطانه وبقيت قاعدة بلمح وبلقح بالكلام عشان يفهم انه يا اما يرجع الفلوس او يكتبلي ورقه بيها وهو دائماً كان بيعمل عبيط وكإنه مش فاهم انا قصدي ايه وبيبصلي ويسكت ..
خناقة بين الزوجة والزوج بسبب الشك
ومن حوالي 5 شهور كانت خناقة من خناقات الشك اللي عندي بس كبرت حبتين فقلتله ما انت خلاص اخدت فلوسي وذهبي ومبقتش فارق معاك وكملت كلامي على انه خائن وكده وانه شافله واحده تانيه ينصب عليها هي كمان …. قام سايبني ونزل من البيت فبعتله رسالة قلتله هات فلوسي وذهبي مادام انت بايع ومش فارق معاك .. وقعدت بعدها باكل في نفسي انه مردش وفضل سايب البيت بعدها ثلاث أيام انا كنت عماله بعيط فيهم شويه عشان هو واحشني وشويه عشان الفلوس اللي سرقها مني ..
رد فعل الزوج الصحيح بعد شك الزوجة وفعلها السيء
بعدها رجع البيت ولا كإن حاجه حصلت واداني علبة فيها خاتم غالي جداً وانا كنت فرحانه جداً برجوعه وبهديته وبعدها قعدنا وأكلنا وسهرنا وهو شبه ساكت مبيتكلمش وفي اخر اليوم لبس وكان نازل وقبل ما ينزل اداني ورقتين . ورقه فيها تحويل في حسابي في البنك بمبلغ تقريبا ضعف المبلغ اللي ادتهوله واداني إيصال بالخاتم اللي هداهولي بمبلغ تقريبا ضعف قيمة الذهب اللي بيعته قبل كده وقالي كده انتي اخدتي فلوسك بفوائدهم وشكرني على مساعدتي ليه وبعدها سابني ونزل وانا ببصله ومبلمه مش عارفه ارد أقوله ايه وقعدت اعيط واقوله مش قصدي وكده فرد وقالي حقك وأخدتيه ..
شكوى الزوجة بعد ما حدث منها تجاه الزوج
كنت متوقعه يومها انه خلاص قرر يسيبني واني خربت بيتي بنفسي وكده لكن هو من يومها بيتعامل عادي جداً ولا كإن الموقف ده حصل ..
الكلام ده من حوالي 5 شهور وأنا من يومها مش عارفه اعتذرله اذاي وخاصة انه باع عربيته واشترى عربيه اصغر وعرفت انه باع بضاعة بأقل من ثمنها وباع مخزن من مخازن شغله في نفس الفتره اللي كان بيجمعلي فيها فلوسي وانا واثقة اني زنقته كتير وكنت سبب في مشاكل كتير حصلتله في شغله كان بيقعد سرحان بالساعات بيحاول يدبرها وانا عارفه اني السبب ومش عارفة اكلمه اقله ايه..
وانا دلوقت مش عارفه اتعامل معاه خالص وهو أصلا مبين انه مش فارق معاه ومبيفتحش كلام في الموضوع ده من قريب او بعيد ولا كإن حاجه حصلت ..
وانا دلوقت مكسوفه من كل حاجة بطلبها منه ومكسوفة من كلامي معاه ومكسوفه من سؤالي ليه على احواله وعلى أحوال شغله حتى غيرتي عليه او سؤالي ليه انت رايح فين او جاي منين او اتأخرت ليه مبقتش عارفة اسألهم رغم اني لما بسأله بيجاوبني عادي بس انا عارفه اني عملت بينا شرخ
مش عارفه يتداوى ازاي ؟؟
الشك في الزوج طارق الحبيب
كانت هذه مشكلة فقدان الثقة وسماع الأخرين مع زيادة مشكلة الشك بين الزوجين و الزوجة تسمع لوساوس الشيطان في الغيرة عند الزوجة الشك في الزوج طارق الحبيب وشاهد هذا الفيديو عن الغيرة بين الزوجين ولو تحب قراءة المقال عن تجارب جواز الصالونات حلو.
اتمنى لكم التوفيق في حياتكم وأبعدوا عن أصحاب السوء واستعينوا بالله ولا تتعجلوا في تصرفاتكم.