مشكلة خطيبتي بتقول اسرارنا مع اهلها من خلال قصة حقيقية بين 2 مخطوبين فرق السن بينهم 6 سنين وهذا فرق جميل ولكن مشكلة البنت اللي هي خطيبتي كما يقص الحاكي إن الأسرار تقولها إلي الأهل.
انا شاب ٢٩ سنة وخطيبتى ٢٣، مخطوبين بقالنا تقريبا سنة وقبلها سنة ارتباط وحب قوى، هى طيبة ومحترمة وبتحبنى جدآ بس المشكلة انها بتعمل تصرفات انا مش بحبها وبتكررها اكتر من مرة على الرغم انى باوضح دايما انى مش بحب التصرفات دى، زى مثلا انها بتحكى لاهلها حاجات انا باقولها ليها على سبيل ان ده سر او حاجة خاصة بينا، ويجى اهلها يصطادوا فى المية العكرة ويستغلوا الكلام ده كانهم مسكوا عليا حاجة مش ولابد، الحاجات دى زى مجال شغل جديد او استقالة من شغل قديم او خطة للمستقبل لسه مش واضحة اوى عشان اعلن عنها.
مشكلة خطيبتي بتقول اسرارنا مع اهلها
وهكذا الفكرة انى للاسف مبقتش عارف اتكلم معاها ودايما بقى عندى حاجز نفسى انى احكى معاها، على الرغم انها قالت مش هاعمل كدة تانى كالعادة، بس برده مبقتش قادر اتكلم حتى فى الحاجات العادية، ودايما بحاول انى احكى واضغط على نفسى بس فعلا مش قادر وده مضايقها لان مبقاش بينا حوار، والموضوع تكور انى مش عايز اقابلها ومش بتوحشنى زى قبل كدة، وعلى الرغم انى متخانقتش معاها ولا وجهت ليها اى اساءة لو كلمة سلبية الا انها شايفة انى كدة قاسى عليها وانا بعاقبها عقاب شديد بدريقة التعامل دى، فده بيخلينى ازعل من نفسى اكتر انى مش قادر اتعامل احسن، فالحاجز النفسى بيزيد ووصل لدرجة انى بقه خلقى ضيق فى الكلام معاها وهى برده بتتعصب عليا وانا بتعصب لما هى تتعصب ف مرضاش اتكلم كلام يوجعها ف بسكت اكتر.
اريد حل مشكلة مع خطيبتي
وهكذا فى الدوامة دى، ومش عايز افركش الخطوبة عشان هى بتحبنى وانا بحبها ولو سبتها هتصعب عليا جدا، وسبب تانى هو انى وعدتها بالجواز وعلى اساس كدة هى وقفت لاهلها فى نقاشات كتير وخناقات عشانى، وانا محبش اخذل حد وثق فيا ولا موفيش بوعد وعدته، خصوصا بقى دى مش اى حد، دى حبيبتى.
اسف للاطالة، انا مش عارف فيه حل ولا مفيش، بس دى فضفضة مع ناس ممكن تفهمنى، ولو انا باعمل حاجة غلط قولولى عادى، بس من غير تريقة.
اضافة صغيرة، انا كنت حابب ارتباطنا قبل كدة عشان حاجات كتير منها انى افكر معاها بصوت عالى واشارك افكارى واحلامى وطموحاتى معاها هى بس وانا مبعرفش اعمل ده مع اى حد فى الحياة، فالموضوع ضاغطنى جدا ومش عارف ارجع زى الاول